"СҚО әкімдігінің ветеринария басқармасы" КММ "Тимирязев ауданының ветеринариялық станциясы" ШЖҚ МКК кәсіпкерлік субъектілерін Қазақстан Республикасында ветеринария саласында жекелеген қызмет түрлері үшін хабарлама жасау тәртібі қолданылатыны туралы хабардар етеді.
Хабарлама жасау тәртібі жеке немесе заңды тұлғаның қызметті жүзеге асыру басталғанға дейін уәкілетті органға жұмыстың басталғаны туралы хабарлама жіберу міндетін көздейді. Бұл ретте рұқсат (лицензия) алу талап етілмейді, алайда кәсіпкер Қазақстан Республикасының ветеринария саласындағы заңнамасының талаптарын, санитариялық және эпизоотиялық нормаларды сақтауға міндетті.
Хабарлама жасау тәртібі мынадай қызмет түрлеріне қолданылуы мүмкін:
ветеринариялық қызмет көрсету;
ауыл шаруашылығы жануарларын ұстау және өсіру;
жануарларды сою және жануарлардан алынатын өнімдерді өткізу;
жемшөп пен жемшөп қоспаларын сақтау, тасымалдау және өткізу.
Хабарлама кейіннен материалдық-техникалық базаға, мамандардың біліктілігіне және ветеринариялық-санитариялық жағдайларға қойылатын барлық белгіленген талаптарды сақтай отырып, "электрондық үкімет" порталы арқылы электрондық форматта беріледі.
Қызметті хабарлама жібермей не ветеринариялық талаптарды бұза отырып жүзеге асыру Қазақстан Республикасының заңнамасына сәйкес жауаптылыққа әкеп соғатынына назар аударамыз.
Хабарлама беру тәртібіне және ветеринариялық талаптарды сақтауға байланысты мәселелер бойынша сіз "СҚО әкімдігінің ветеринария басқармасы" КММ "Тимирязев ауданының ветеринариялық станциясы"ШЖҚ МКК-не жүгіне аласыз.
Біз қолданыстағы заңнама шеңберінде консультациялық көмек пен жәрдем көрсетуге дайынбыз.
